ಸರ್ಪನ ಬರಹಗಳು

ಹರಿವ ನೀರಾಗಬೇಕಿತ್ತು..! ನಿನ್ನ ತನುವನಾವರಿಸಬಹುದಾಗಿತ್ತು ಯಾವ ಮುಚ್ಚುಮರೆಯಿಲ್ಲದೇ ನಿನ್ನ ಸಂಗಡ ಸರಸವಾಡಬಹುದಾಗಿತ್ತು ಅದಕೆ ನಾನು ಹರಿವ ನೀರಾಗಬೇಕಿತ್ತು ನಿನ್ನೊಡನೆ ಕಾಲಕಳೆಯಬಹುದಿತ್ತು ನೀನೆಷ್ಟೇ ನಾಚಿಕೊಂಡರೂ ನಿನ್ನ ಸರ್ವಾಂಗಗಳಿಗೂ ಮುತ್ತಿಡಬಹುದಿತ್ತು ಅದಕೆ ನಾನು ಹರಿವ ನೀರಾಗಬೇಕಿತ್ತು ನಿನ್ನೊಂದಿಗೆ ಬೆರೆತು ಒಂದಾಗಬಹುದಿತ್ತು ಸರ್ವಕಾಲಕೂ ನೀ ಬಯಸಿ ಬರುವಂತೆ ಬಿಟ್ಟುಕೊಡದೆ ನಿನ್ನ ಮನ ಸಂತೋಷಪಡಿಸಬಹುದಿತ್ತು ಅದಕೆ ನಾನು ಹರಿವ ನೀರಾಗಬೇಕಿತ್ತು. ಸರ್ಪ...✍🏻

ಕೊನೆಯ ಅಸ್ತ್ರ ನನ್ನಲ್ಲಿ ಜ್ವಾಲಾಮುಖಿಯಂತೆ ಉಕ್ಕಿ ಬರುವ ಆಸೆಗಳ ತಂಪಾಗಿಸಲು ನಿನ್ನ ಸಂಧಿಸುವಿಕೆ ಒಂದೇ ಕೊನೆಯ ಅಸ್ತ್ರ. ಸರ್ಪ...✍🏻 ಸಖೀ ನೀನೆಷ್ಟೇ ದೂರವಿದ್ದರೂ ನಿನ್ನೊಂದಿಗಿರುವ ನನ್ನ ಬಾಂಧವ್ಯ ಒಂಚೂರು ಕಡಿಮೆಯಗುವುದಿಲ್ಲ. ನೀನೆಷ್ಟೇ ದೂರಿದರೂ ಕೊನೆಗೆ ನಾನೇ ನಿನಗೆ ಎಲ್ಲಾ ಎಂಬುದನ್ನು ಈಗಲೇ ತಿಳಿದುಬಿಡು. ಜಗವೇನೆ ಅಂದರೂ ನನಗದು ಗೌಣ ನೀನೊಂದು ನನ್ನ ಜೊತೆಗಿದ್ದರೆ ಇಡೀ ಜಗವನೇ ಗೆಲ್ಲುವೆ. ನಮ್ಮಿಬ್ಬರ ಪ್ರೀತಿ ಜಗಕೆ ಮಾದರಿಯಾಗಲಿ ಬಿಡು. ನಿನ್ನಲಿ ಉಕ್ಕಿಬರುವ ಅಷ್ಟೂ ಆಸೆಗಳಿಗೆ ಕೊನೆ ನಾನೇ ಆಗಿರುವೆ ,ಹಾಗೆಯೇ ನನ್ನಲಿ ಉಕ್ಕಿಬರುವ ಅಷ್ಟೂ ಆಸೆಗಳಿಗೆ ನಿನ್ನ ಸೇರುವುದೊಂದೇ ಕೊನೆಯ ಅಸ್ತ್ರ. ನಿನ್ನ ಮನದಾಳದಲಿ ಅಷ್ಟೆಲ್ಲಾ ಆಸೆಯಿಟ್ಟುಕೊಂಡು ಮೇಲ್ನೋಟಕ್ಕೆ ಏನೂ ಇಲ್ಲ ಎಂದು ತೋರಿಸಿಕೊಳ್ಳುತ್ತಿರುವೆಯಲ್ಲ...ನೋಡೋಣ ಎಷ್ಟು ದಿನ ಈ ಕಣ್ಣಾಮುಚ್ಚಾಲೆ ಆಟವಾಡುವೆಯೆಂದು. ಕಾಯುವುದು ನನಗೇನು ಹೊಸದಲ್ಲ. ಸರ್ಪ..✍️

ತಪ್ಪೇನಿಲ್ಲ...! ಗೆಳತೀ ನಿನ್ನ ಮೃದುವಾದ ಅಧರಗಳಿಗೆ ಮುತ್ತಿಡುವ ಆಸೆಯಾಗಿದೆ ಒಲ್ಲೆ ಎನಬೇಡವೇ ಒಂಚೂರು ನಾಚಿಕೆಯನು ಬಿಟ್ಟುಬಿಡು ನಾವಿಬ್ಬರೂ ಪ್ರೇಮಿಗಳು ರಸಾಯನ ಕ್ರಿಯೆ ಎಂದಾದರೂ ನಡೆಯಲೇಬೇಕು ಈಗಲೇ ನಡೆದು ಹೋಗಲಿ ಇದು ಹಾದರವಂತೂ ಅಲ್ಲವೇ ಅಲ್ಲ ಒಂದೊಮ್ಮೆ ಮಿಲನವಾದರೂ  ಪ್ರಕೃತಿಯಲಿ ತಪ್ಪೇನಿಲ್ಲ ನಿಸರ್ಗದ ಕಣ್ಣಿಗೆ ನಾವಿಬ್ಬರೂ ಪ್ರೇಮಿಗಳಷ್ಟೇ ಇಂದಲ್ಲ ನಾಳೆಯಲ್ಲ ಎಂದೆಂದಿಗೂ ನಾವಿಬ್ಬರೂ ಒಂದೇ. ಸರ್ಪ...✍🏻

ನನ್ನ ರೀತಿ ಅವಳು ನನ್ನನು  ಎಷ್ಟೇ ದ್ವೇಷಿಸಿದರೂ ಸರಿ ನಾನಂತೂ ಅವಳನ್ನು ಪ್ರೀತಿಸುವುದನು ಬಿಡುವುದೇ ಇಲ್ಲ ಅವಳ ದ್ವೇಷಕ್ಕೆ ಕಾರಣವೇ ನನ್ನ ಪ್ರೀತಿ ದ್ವೇಷಿಸಿದವಳನ್ನೇ ಪ್ರೀತಿಸುವುದು ನನ್ನ ರೀತಿ. ಸರ್ಪ...✍️

ಅವಳನ್ನು ಕಾಡಿಬೇಡಿ ಪ್ರೀತಿ ಮಾಡಲು ಒಪ್ಪಿಸಿದ್ದೆ , ಅವಳೋ ನನಗಿಂತ ಆರೇಳು ತಿಂಗಳು ದೊಡ್ಡವಳು. ಜಗಳವಾಡುವುದರೊಂದಿಗೆ ನಮ್ಮಿಬ್ಬರ ದಿನಚರಿ ಶುರುವಾಗುತ್ತಿತ್ತು. ಆ ಜಗಳ ಅಷ್ಟು ಸುಲಭವಾಗಿ ಮುಗಿಯುತ್ತಲೇ ಇರಲಿಲ್ಲ. ಅವಳೆಲ್ಲೋ ನಾನೆಲ್ಲೋ ಮೊಬೈಲ್ನಲ್ಲಿ ಮಾತ್ರ ಕಿತ್ತಾಡುತ್ತಿದ್ದವು.  ಹೀಗೆ ಎರಡು ಮಾಸಗಳು ಕಳೆಯಿತು, ಅವಳು ನನ್ನನು ಭೇಟಿಯಾಗಲು ಚಿಕ್ಕದಾದ ಉಡುಗೊರೆ ಜೊತೆಗೊಂದು ಪತ್ರವನ್ನು ಹಿಡಿದು ಖಾಸಗಿ ಬಸ್ ನಿಲ್ದಾಣದಲ್ಲಿ ಕಾದು ಕುಳಿತಿದ್ದಳು. ನಾನೂ ಆಗ ತಾನೇ ಒಂದು ಪ್ರವಾಸಕ್ಕೆ ಹೋಗಿದ್ದೆ ,ಅವಳಿಗಾಗಿ ಒಂದೆರಡು ಉಡುಗೊರೆಗಳನ್ನು ತಂದಿದ್ದೆ...ಅವನ್ನಿಡಿದು ಸೀದಾ ಬಸ್ ನಿಲ್ದಾಣಕ್ಕೆ ನಡೆದೆ....ಕಣ್ಣೆರಡೂ ಮಿಲಾಯಿಸಿದವು. ಅವಳು ಯಾರಾದರೂ ನೋಡಿದರೆಂಬ ಭಯದಿ ಚೂಡಿದಾರದ ವ್ಹೇಲ್ ನ್ನು ತಲೆಮೇಲೆ ಹಾಕಿಕೊಂಡಳು. ನನಗೇನು ತೋಚದೆ ಸೀದಾ ಅವಳ ಪಕ್ಕದಲ್ಲಿ ಖಾಲಿಯಿದ್ದ ಸೀಟ್ ಗೆ ದೌಡಾಯಿಸಿ "ಹಾಯ್....ಎಷ್ಟೊತ್ತಾಯ್ತು ಬಂದು " ಎಂದು ವಿಚಾರಿಸಿ ಮಾತುಕತೆಗೆ ಮುಂದಾದೆ.  ಅವಳು ಭಯದಿಂದಲೇ ತಾನು ತಂದಿದ್ದ ಉಡುಗೊರೆಯನ್ನು ನನ್ನ ಕೈಲಿಟ್ಟು ...ನಿನ್ನ ಭೇಟಿಯಾಗಿದ್ದು ತುಂಬಾ ಖುಷಿ ಆಯ್ತು  ಎಂದು ಬಸ್ ನಲ್ಲಿ ಹೋಗಿ ಕುಳಿತಳು. ಮತ್ತೆ ನಾನೂ ತಂದಿದ್ದ ಉಡುಗೊರೆಯನ್ನು ಕೊಡಲು ಬಸ್ ನಲ್ಲಿ ಹೋಗಿ ಕೊಟ್ಟೆ. ಅಲ್ಲೊಂದಿಷ್ಟು ಮಾತಾಡಿ ಟಾಟಾ ಮಾಡಿ ಬಸ್ ಇಳಿದೆ. ಅದೇ ಕೊನೆ ಅವಳನ್ನು ನೋಡಿ ಮಾತಾಡಿದ್ದು, ಅಲ್ಲಿಂದ ಅವಳು ಕೊಟ...

ಅತಿಯಾಗಿ ಗೆಳೆಯ...ಗೆಳೆಯಾ ನನ್ನ ಜೀವನದಲ್ಲಿ ಈ ಸಮಾಜವು ಧನ-ಕನಕಗಳಿಗಿಂತ ಅತಿಯಾಗಿ ಬೆಲೆಕೊಟ್ಟಿದ್ದೆಂದರೆ ನೀನಿಟ್ಟ ಈ ಸಿಂಧೂರಕ್ಕೆ ಮಾತ್ರ. ಸರ್ಪ....✍️

ಮೌನ ತಾಳಿದೆ ಬಂದೊಮ್ಮೆ ನೋಡು ಸಖ ನೀ ದೂರವಾದ ವಿರಹದಲಿ ನನ್ನ ಗೆಜ್ಜೆಯೂ ಸ್ತಬ್ಧವಾಗಿದೆ ನಿನ್ನ ಜೊತೆ ಹೆಜ್ಜೆ ಹಾಕದಿದ್ದರೆ ಅದಕ್ಕೂ ತಾಳ ತಪ್ಪುವುದಂತೆ ದನಿ ಎತ್ತದೆ ಮೌನ ತಾಳಿದೆ ಗೆಜ್ಜೆಯ ಕೊಂಡಿ ಕಳಚುವ ಮೊದಲೆ ಬಂದು ಮನತಣಿಸಿಬಿಡು  ಸಖನೆ ಕಾದಿರುವೆ ನೀ ಬಿಟ್ಟುಹೋದ ಜಾಗದಲಿ. ಸರ್ಪ...✍🏻 #yqquotes #yqkannadaquote #yqkannadakavite #sarpawrittings #ಕನ್ನಡಬರಹಗಳು #ಸರ್ಪ #ಲವ್_ಫೇಲ್ಯೂರ್    Read my thoughts on @YourQuoteApp #yourquote #quote #stories #qotd 

ಮದ್ದು ಕೊರೆವ ಈ ಚಳಿಗೆ ನೀನೆ ಮದ್ದು ಗೆಳತಿ ಒಮ್ಮೆ ಅಪ್ಪಿಕೊಂಡು ಬಿಸಿಯುಸಿರ ತಾಕಿಸಿ ಮುತ್ತಿಟ್ಟುಬಿಟ್ಟರೆ ಚಳಿನೆ ಮಾಯ ಆಗ್ತೈತಿ. ಸರ್ಪ...✍🏻

ಕೊಲ್ಲದಿರು ಗೆಳತಿ ನಿನ್ನ ಈ ದೃಷ್ಠಿಯುದ್ಧದಲಿ ನನ್ನನು ಇಷ್ಟು ಕಠೋರವಾಗಿ ಕೊಲ್ಲದಿರು ಗೆಳತಿ ನಿನ್ನ ಈ ಯುದ್ಧಕೌಶಲ್ಯಕೆ ಸೋತು ಶರಣಾಗಿ ನನ್ನ ಹೃದಯದ ಸಾಮ್ರಾಜ್ಯವನು ನಿನಗೇ ಬಿಟ್ಟುಕೊಡುವೆನು ಅಲ್ಲಿ ನೀನೆ ಮಹಾರಾಣಿ ನಿನ್ನದೇ ಕಾರುಬಾರು ನಾನೋ ನಿನ್ನ ಸೇವಕ. ಸರ್ಪ...✍🏻

ಮೈಯೆಲ್ಲಾ ಆವರಿಸುವಳು... ಹಗಲ್ಯಾವುದೋ ಇರುಳಾವುದೋ ಅವಳಿಗಂತೂ ನನೆಪೇ ಇಲ್ಲ ಬಿಡದೆ ಮೈಯೆಲ್ಲಾ ಆವರಿಸುವಳು ಕಂಬಳಿ ಹೊದ್ದು ಮಲಗಿದ್ದರೂ ಕಂಬಳಿಯೊಳಗೇ ನುಸುಳಿ ಬಂದು ತಣ್ಣಗೆ ಕಚಗುಳಿ ಇಡುವಳು ಬಿರಿದ ತುಟಿಯನೂ ನೋಡದೇ ರಕ್ತಬರುವಂತೆ ಕಡಿದೇ ಬಿಡುವಳು ಸೂಯ್ಂ ಎನ್ನುತ ಕಿವಿಯೊಳಗೆ ಹಾಡುವಳು ನಡೆವ ಹಾದಿಯ ತಂಪಾಗಿಸಿರುವಳು ಮಾತಾಡದಂತೆ ಉಸಿರುಗಟ್ಟಿಸಿರುವಳು ಮೈಕೈಯೆಲ್ಲಾ ನೋವ ಬರಿಸಿರುವಳು ಮಂಜುಗಡ್ಡೆಯಂತೆ ತಂಪಾಗಿರುವಳು ಹೇಳಲಾರದ ಪಜೀತಿ  ಮಾಡುತಿರುವಳು ಎಲ್ಲರನೂ ಕಾಡಿ  ನಡುಗಿಸುತ್ತಿರುವಳು ಕಾರ್ತೀಕ ಮಾಸದ ಮಗಳಿವಳು ಚಳಿ ಎಂಬ ನಾಮದವಳು ಮೂರು ತಿಂಗಳು ನಮ್ಮನು ಬಿಡದವಳು.                                 ಸ ರ್ಪ...✍️

ಕೊಲೆಗೈದು...! ಹೃದಯದ ಕತ್ತಲ ಕೋಣೆಯೊಳಗೆ ದೀಪವಾಗಿರುತ್ತೇನೆ ಎಂದಿದ್ದಳು, ಈಗೀಗ ನನ್ನ ಭಾವನೆಗಳನ್ನೆಲ್ಲಾ ಕೊಲೆಗೈದು ಹೃದಯಕ್ಕೆ ಕೊಳ್ಳಿ ಇಟ್ಟಿರುವಳು. ಸರ್ಪ...✍🏻

ಭಾವ ಪರವಶಳಾಗಲು ಗೆಳತಿ ನಿನ್ನ ಮಡಿಲೆ  ಸಾಕು ಮಗುವಂತೆ ಮಲಗಲು ಮಧುರ ಮಾತಿನ ಜೋಗುಳ ಬೇಕು ನನ್ನನು ನಾ ಮರೆಯಲು ಗೆಳೆಯ ನಿನ್ನ ಒಂದು ಸ್ಪರ್ಶಬೇಕು ಭಾವ ಪರವಶಳಾಗಲು ನಿನ್ನ ಕಿರು ಧ್ವನಿಯೊಂದೆ ಸಾಕು ನಿನ್ನೊಡನೆ ಬೆರೆಯಲು ಮನಬಿಚ್ಚಿ ನಕ್ಕುಬಿಡು ಸಖಿ ಆ ನಗುವಲೆ ನೂರೊರುಷ ಬದುಕುವೆ ಆಭರಣವ ಬಯಸುವೆಯಾದರೆ ನಿನ್ಹಣೆಗೆ ಸಿಂಧೂರ ಹಚ್ಚುವೆ ನೀನಿದ್ದರೆ ನನಗೇನು ಬೇಡ ಸಖ ಜೊತೆಗಿದ್ದರಷ್ಟೇ ಸಾಕು ಮುನ್ನುಗ್ಗುವೆ ಆಭರಣದ ಆಸೆ ತೊರೆದಿರುವೆ ನನಗೆ ನೀನೆ ವಜ್ರದ ಕಿರೀಟವಾಗಿರುವೆ. ಸರ್ಪ...✍🏻

ನಾನು ನೀನಾಗಿ ನಲ್ಲ ಮರೆತಿರುವೆಯೇನು ಕಳೆದಷ್ಟೂ ದಿನಗಳನು ನನಗಂತೂ ನಿನ್ನದೇ ಗುಂಗು ಮರೆಲು ಎಂದಿಗೂ ಆಗದು ಇಬ್ಬರೂ ಸೇರಿ ಮಾಡಿದ ಚೇಷ್ಟೆ ಕುಚೇಷ್ಟೆಗಳನು ಗೊತ್ತಿಲ್ಲದ್ದೇನಿದೆ ಹೇಳು ಮನಸನು ನಿನಗರ್ಪಿಸಿ ನೀ ನುಡಿಸಿದ ನಾದಕೆ ಮೈಮರೆತು ನಿಂತಿದ್ದೆನಲ್ಲ ನಂದನ ವನದಲಿ ನಲಿದಾಡಿ ಪ್ರೀತಿರಥದಲಿ ಸವಾರಿ ಮಾಡಿ ತಿಳಿದೂ ತಿಳಿಯದೆ ಬೆರೆತು ನಾನು ನೀನಾಗಿ ನೀನು ನಾನಾಗಿದ್ದೆ ನಲ್ಲ ಮರೆತಿರುವೆಯೇನು ಕಳೆದಷ್ಟೂ ದಿನಗಳನು. ಸರ್ಪ...✍🏻

ಕತ್ತಲೆಯೊಳಗಿರಿಸಿ ಗೆಳೆಯಾss ನಿನ್ನೊಂದಿಗೆ  ಒಟ್ಟಿಗೆ ಕಳೆದ ಎಷ್ಟೋ ರಾತ್ರಿಗಳು, ನನ್ನ ನಿನ್ನ ನಡುವಿದ್ದ ಪ್ರೀತಿಯ ಅಂತರವನ್ನು ಈ ಕೋಣೆಯ ಮೂಲೆಗಳು ಸಾರುತಿವೆ ನಿನ್ನ ಮನಸ್ಸಿಗೀಗ ಅದ್ಯಾವ ಮಂಕು ಬಡಿದಿದೆಯೋ ಕಾಣೆ ನನ್ನನೀ ಕತ್ತಲೆಯೊಳಗಿರಿಸಿ ನೀನೊಬ್ಬನೇ ಬೆಳಕ ಹುಡುಕಿ ಹೊರಟಿರುವೆ ನನ್ನ ಕಂಬನಿಯೊಳಗಿನ ನೋವುಗಳು ನಿನಗೆ ಕಾಣಿಸುತ್ತಿಲ್ಲವೇ..? ಸರ್ಪ....✍🏻

ಮೌನವು ಆವರಿಸಿದೆ ನೀನ್ನಾಗಮನವಾಗಲೇಬೇಕೆಂದು ಕಪ್ಪುಬಟ್ಟೆಯ ಧರಿಸಿ ಮೌನದಿಂದ ಪ್ರತಿಭಟನೆಗೈದಿರುವೆ ಇನಿಯ ಅಂದು ನೀ ಕಟ್ಟಿದ ಗೆಜ್ಜೆಯು ನಿನ್ನ ಜೊತೆ ಹೆಜ್ಜೆ ಹಾಕಲು ಒಂದೇ ಸಮನೆ ತವಕಿಸುತ್ತಿದೆ ನಿನ್ನ ಪೂಜೆಗೆಂದು ತಂದಿರುವ ಪದ್ಮಪುಷ್ಪಗಳು ಕಳೆಗುಂದಿವೆ ಮನದ ಭಾವನೆಗಳೆಲ್ಲಾ ಜೀವ ಕಳೆದುಕೊಂಡಿದು ಮೌನವು ಆವರಿಸಿದೆ  ಕೇಳಲೆಂದೆ ಕಾದಿರುವೆ ನಿನ್ನ ದನಿಯ ತಡಮಾಡದೆ ಬಂದುಬಿಡು ಗೆಳಯ. ಸರ್ಪ...✍🏻

ಭಯಪಡದಿರು ಏಳೇಳೂ ಜನ್ಮಕೂ ನೀನು ನನ್ನವಳಾಗಿರುವೆ  ಭಯಪಡದಿರು ಗೆಳತಿ ಏಕೆಂದರೆ ಆ ದೇವರಲ್ಲಿ ನಿನ್ನನ್ನೇ ಬೇಡಿದ್ದೇನೆ ನೋಡೋಣ ಬಿಡು ಗೆಳತಿ ನನ್ನ ಪ್ರಾಣವನ್ನೇ ಅವನಿಗೆ ಹರಕೆ ಕಟ್ಟಿ ಕಾಯುತಿರುವೆ. ಸರ್ಪ...✍🏻

ಒಂದಾಗೋಣ ಎಂದಿದ್ದೆ ಬದಲಾಗಿ ಅವಳೆನ್ನ ಉಸಿರಾದಳು ಸರ್ಪ...✍🏻

ನೀನೆಷ್ಟು ಚೆಂದ ಎಲ್ಲಿಂದ ಎಲ್ಲಿಗೋ ಪಯಣ ಬೆಳೆಸುವ ಜಗಕೆಲ್ಲಾ ಮೊದಲಾಗಿ ಚಿಲಿಪಿಲಿಗುಡುವ ಕೀಟ ತಿಂದು ಕಾಳುಗಳ ಹೆಕ್ಕಿ ಬದುಕುವ ಚಿಗುರೆಲೆಯ ಬುಡಕೆ ಹುಲ್ಕಡ್ಡಿಯ ಗೂಡ ಕಟ್ಟುವ ಗುಬ್ಬಚ್ಚಿಯೇ ನೀನೆಷ್ಟು ಚೆಂದ ತೋರಿದೆ ಸ್ವಾಭಿಮಾನವ ಕಲಿಯಬೇಕಿದೆ ಇನ್ನಷ್ಟು ನಿನ್ನಿಂದ ಮಾನವ. ಸರ್ಪ...✍🏻

*ಪ್ರೀತಿಯ ಮುಲಾಮು* ನೀ ದೂರವಾದ ವಿರಹದ ಕಾವಿಗೆ ಹೃದಯ ಬಿರಿದು ರಕ್ತಸಿಕ್ತವಾಗಿದೆ ಸಖಿ ಪ್ರೀತಿಯ ಮುಲಾಮು ಹಚ್ಚಲು ಬರುವೆಯಾ ಚೂರಾಗುವ ಮೊದಲು ಕಾದಿದೆ ಹೃದಯ ನಿನ್ನ ಆಗಮನಕೆ. *ಸರ್ಪ...✍🏻*

ಕಂಬಳಿಯಾದಳು ಅವಳಿಗೂ ನನ್ನ ಸೇರುವ ಮನಸ್ಸಿತ್ತೇನೋ ಗೊತ್ತಿಲ್ಲ ಕೊರೆವ ಈ ಚಳಿಯಲ್ಲಿ ಬಿಸಿ ಬಯಸಿದ ನನಗೆ ಕಂಬಳಿಯಾದಳು. ಸರ್ಪ...✍🏻

ಕೈ ವಶ ಅಮಾಯಕ ಹೃದಯಕ್ಕೆ ಭಾವನೆಗಳ ಬೇಲಿ ಹಾಕಿ ದಿಗ್ಬಂಧನಗೈದಿರುವಳು ಅವಳ ತಂತ್ರಕ್ಕೆ  ಹೃದಯವೀಗ ನಲುಗಿ  ಅವಳ ಕೈವಶವಾಗಿದೆ. ಸರ್ಪ

 ಮೈ ಸೋಕುತ್ತಿದ್ದರೆ..! ಕಾರ್ತೀಕ ಮಾಸದ ಚಳಿಯು ನನ್ನ  ಮೈಸೋಕುತ್ತಿದ್ದರೆ ನಿನ್ನ ಮಧುರಾತಿಮಧುರ ಅಧರಗಳಿಂದ ಚುಂಬಿಸಿದಂತಾಗುತ್ತಿದೆ ಗೆಳತಿ, ಈ ಚಳಿಗೆ ಮನದ ಭಾವನೆಗಳೆಲ್ಲಾ ಮಂಜುಗಡ್ಡೆಯಂತೆ ಹೆಪ್ಪುಗಟ್ಟಿವೆ ಮೃದುವಾಗಿ ಒಮ್ಮೆ ಅಪ್ಪಿಬಿಡು, ಎಳೆಬಿಸಿಲಿಗೆ ಕರಗುವ ಮಂಜಿನಂತೆ ನನ್ನ ಭಾವನೆಗಳೆಲ್ಲಾ ಕರಗಿ  ಶೃಂಗಾರ ರಸವಾಗಿ ಹರಿಯಲಿ. ಸರ್ಪ...✍🏻