ಸರ್ಪನ ಬರಹಗಳು

 ನಿನ್ನ ನೆನೆದಾಗಲೆಲ್ಲಾ... ನೀನಿಟ್ಟ ಪ್ರೀತಿಯ ನತ್ತು ಈಗೀಗ ತಗಾದೆ ಎತ್ತಿದೆ  ನೋಡು ಬಾ ಇನಿಯ ನಿನ್ನ ನೆನೆದಾಗಲೆಲ್ಲಾ ಮತ್ತೇರುತ್ತದೆಯಂತೆ ಅದಕ್ಕೂ ಮೂರು ಸುತ್ತು ನನಗೋ ನಿನ್ನದೇ ಧ್ಯಾನ ಮೂರೂ ಹೊತ್ತು ❤ಸರ್ಪ...✍🏻

 ಒಲವಿಂದ.... ಓಲೆ ಜುಮುಕಿಯ ಚಮತ್ಕಾರವೇನೋ ಮನದ ಮೂಲೆಯ  ಭಾವನೆಗಳೆಲ್ಲಾ  ಎಡೆಬಿಡದೆ ಬಡಿದಾಡುತ್ತಿವೆ ಹೃದಯದ ಗೋಡೆ ಚೂರಾಗುವ ಮೊದಲೇ ಹೇಳಬೇಕಿದೆ ನಿನಗೆ ಪ್ರೇಮದ ನಿವೇದನೆಯನು ಒಪ್ಪಿಬಿಡು ಒಲವೇ ಸುಡುಬಿಸಿಲ ನಡುವೆ ತಂಗಾಳಿ ಬೀಸಿ ತಂದಂತೆ ಮನಕಿಂದು ತಂಪಾಗಲಿ ಒಲವಿಂದ ಅಪ್ಪಿಬಿಡಲಿ. ಸರ್ಪ...✍🏻

 *ಬೀದಿಕಸವಾಗಿವೆ..!* ಸಾವಿರ ಪದಗಳೊಂದಿಗೆ  ಗುದ್ದಾಡಿ ಗುದ್ದಾಡಿ ಬರೆದ ಕವಿತೆಯಿಂದು ಕಳೆಗುಂದಿದೆ ಓದುಗನೆದೆಯ ಸೀಳಿ ಹೊಕ್ಕ ಪದಗಳು ಹೆಕ್ಕಲಾರದೆ ಬಿದ್ದ ಬೀದಿಕಸವಾಗಿವೆ ಎದ್ದೆವೋ ಬಿದ್ದೆವೋ ಎಂದು ಕೊಂಡುತೆಗೆದ ನೂರು ಪುಸ್ತಕಗಳು ಶಿರಕಿಳಿಯದೆ ಶವವಾಗಿವೆ ತಿಳಿದು ಬದುಕಬೇಕಿರುವ ಮಾನವ ಧರ್ಮವಿಂದು ಆಚರಣೆಗಳೊಂದಿಗೆ ಆಡಂಬರಕೆ ಕೈಜೋಡಿಸಿದೆ ಬರೆದ ಅಕ್ಷರಕ್ಕೇನು ಓದಿಸಿಕೊಳ್ಳುವ ತಾಕತ್ತು ಮಾತ್ರ ಬಳಕೆಗೆ ಬರುವುದು  ನಯಾ ಪೈಸಕ್ಕೂ ಕಿಮ್ಮತ್ತಿಲ್ಲದಷ್ಟು ಸಾವಿರ ಪದಗಳೊಂದಿಗೆ  ಗುದ್ದಾಡಿ ಗುದ್ದಾಡಿ ಬರೆದ ಕವಿತೆಯಿಂದು ಕಳೆಗುಂದಿದೆ